كبف نحتاس فى مصر وعندنا ابراهيم عيسى
كيف نحتاس فى مصر وعندنا ابراهيم عيسى -- الاستاذ عادل على
---------------------------------------------
ازاي يكون عندنا واحد زي ابراهيم عيسي و نحتاس الحوسة اللي احنا فيها..؟
الراجل ماشاء الله مافيش حاجة ما بيفهمش فيها ..تعليم -صحة-اسعار خدمات و
تموين-سياسة داخلية و خارجية ممكن يحل أزمة سد النهضة و يقولك طريقة عمل سد
الحنك. .و يعرف طريقة اختيار الوزراء و يقدر بسرعه جدا يحل فوازير..وفي
نفس الوقت يقولك تعمل ايه مع قطر و تركيا ..ده غير انه دمه خفيف يقدر يسود
عيشتك انت و اللي مخلفينك بس بطريقة لطيفة و يكلمك عن تجاوز الشرطة و عن
مستوصف في أسيوط ما فيهوش قطن و شاش ..و يروح قايلك نعمل ايه
مع الاخوان و يضحكك علي برنامج الحكومة و في نفس الوقت يفهمك صحيح البخاري
و فقه السنة. و قبل ما تفوق يخليك تلطم علي المناهج و الامتحانات..و بعدين
ينصحك ما تشوفش قنوات التشكيك و مش هايسيبك تروح الحمام علشان ها يقولك
مين اللي قتل ريجينى و بعد الفاصل ها يقولك مين اللي قتل كنيدي..و ممكن
يشرح للحكومة طريقة عمل الانتخابات و يشرحلك طريقة عمل كفتة داوود باشا و
يفهمك الأصل التاريخي لداوود باشا اللي اكتشف الكفته و بيفهم في العلاقات
الدولية و الزوجية يعني يقدر يقولك تعمل ايه مع بوتين و ازاي تصالح مراتك
تعليقات
إرسال تعليق